Orkusýn ehf.

Eigandi og framkvæmdastjóri Orkusýnar er Sigurður Kristinsson vélfræðingur. Sigurður hefur síðustu 15 ár starfað í orkugeiranum, að mestu tengt uppbyggingu og rekstri jarðvarmavirkjana, og aflað sér víðtækrar þekkingar á því sviði. Hjá Orkuveitu Reykjavíkur OR (ON) 2003 -2012 sem vélfræðingur í stjórnstöð og við jarðvarmavirkjanir fyrirtækisins. S.l. sjö ár sem verkefnastjóri hjá Green Energy Geothermal (GEG), við byggingu lítilla jarðvarmavirkjana í Kenía og Íslandi alls um 90 MW og byggingu spennistöðva 11/132 Kv 45 MVA og 11/220 KV 85 MVA.

Verkefnin hafa verið fjölbreytt. Samningar við undirverktaka, samskipti við kaupendur og fjárhagslega ábyrgð á verkefnunum. Verkstjórn starfsmanna allt frá jarðvinnu að uppræsingu og rekstri stöðvanna, þegar mest var umleikis í Kenía störfuðu 14 Íslendingar og tæplega 160 Keníabúar við byggingu stöðvanna. Eftir afhendingu til kaupanda sem ráðgjafi varðandi viðhald og rekstur.

Orkusýn ehf., hefur gott tengslanet iðnaðarmanna og verkfræðinga og getur tekið að sér fjölbreytt verkefni, stór og smá. Í stærri verkefnum í samstarfi við önnur fyrirtæki með sérhæfingu og reynslu þar sem við á, verkefninu yrði stýrt af Orkusýn.